يا اخي اليك بهذه النمازج من المحسوبيةوقبلها خذ من هذه:
قيل: اذا اسند الأمر الي غير اهله فانتظر الساعة
ولكن اخي بالرغم من كل ذلك فأن اغلب المتقدمين للوظائف يذهب وليس في قلبة ثقة بان الله معه ويقدر له الخير فاذا تزعزعت ثقتنا بالله حبطت كل امورنا
فثقوا بالله رباً وبمحمدصلي الله علية وسلم نبيا
بسم الله,,, نبدأ,,,
عمرك بين ال18 و ال 60؟
سوداني او مولود لأب سوداني داخل او خارج السودان؟
يجب ان تخضع للجنة الاختيار العامة و بعد ذلك للجنات فرعية متخصصة
و التصنيف سيكون كالاتي:
عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا..
ماعندك شهادات و لا واسطة: امشي انتحر!
شين و صوتك حلو: تبقى فنان!
سمحة و صوتك ماحلو: برضو فنانه!
سمح و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذن انت مذيع سوداني!
سمحة و غبية:- نوعين الاول سمحة و نحيييفة: مذيعة في النيل الازرق!
التاني سمحة و سمينة: هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!
عدم احساس جلد تمساح: ناس سودانير!
قنعان من روحك و عايز تدعم المنتج المحلي: تركب سودانير!
سبع صنايع و البخت ضايع: موظف حكومة، مدرس، سواق تكسي!
سبع صنايع و البخت الرائع: موظف اتصالات!
امك داعية ليك: ياخدوك في شركة دال !
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب
مصاص دماء: تشتغل في جهاز المغتربين!
سياسي عمرك فوق المية (ديناصور: (معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول!
كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان!
حمار شغل: الفئة دي مافي عندنا!
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مغترب!